乐宝宝精选网乐宝宝精选网

《BB来了》播出获得观众热捧,“最强小三”颠覆形象变“大肚婆娘”,网友大叫好真实啊!

原标题:《BB来了》播出获得观众热捧,“最强小三”颠覆形象变“大肚婆娘”,网友大叫好真实啊!

相信大家都知道无线新剧《BB来了》

接档《宫心计2深宫计》在晚上8点30分播出

呢部剧系由李佳芯和黎诺懿

以少有BB题材主演的剧集

首播一出就受到观众大热

非常多女观众纷纷留言感叹!

近年来几多新手父母因为唔识得带细路

又唔想交比有思想差异的上一辈养育

所以流行起聘请陪月员

呢部剧就系反映现时的新手爸妈

对BB成长价值观差异、婆媳关系

到两代育婴分歧产生的火花

大家都知道

宜家生一个BB计计埋埋都需要400万

而且加上通货膨胀时

加多一百万都不足为奇啊!

仲要考虑识唔识教

有无人凑

简直就系人生又一大开始!

Ali李佳芯在剧中饰演唐恬儿

佢原本系一名十足十嘅“港女”

中意买大牌,娇生惯养

但系自从BB意外的来到后

佢却性情大变

变成沉迷于育婴世界的“港妈”

当时知道怀孕呢个结果时

Ali第一反应就是:哭!无助!

相信呢个经历做女人都会试过

系毫无准备的情况下

要迎接一个新的生命到来

自己从此也要一分多个角色

不禁真的想大叫一声:真系摞命啊!!!

而李佳芯嘅老公——黎诺懿饰演叶致廷

知道老婆突然怀孕后

佢嘅反应都系大吃一惊

讲出初登人父嘅金句

“有无甘容易中啊?!”

大家唔好以为李佳芯睇住觉得斯斯文文

今次《BB来了》算系佢演技的一大突破

为左呢个性格直率、爽朗的角色

佢不惜将自己一举一动变得粗鲁

就连在IG上都要自黑一番

上载左两张豪气陀B照

正系因为佢出演得真性情

当Ali已经接受准备迎接生命来临时

去公司party期间忽然下体出血

医生检查告知佢地

子宫出血情况多似胎盘剥落

严重起来甚至可能会胎死腹中

毕竟怀胎十月血脉相连

忽然被告知BB有可能无法顺利出世后

Ali情绪完全爆发出来

甚至毫不顾自己是否靓样得体

奔溃大声濠喊:

“係咪我做错啲咩嘢整到BB,点解会咁嘅?”

睇到呢一幕

唔少观众甚至连我

都边睇边同佢一齐默默流泪

因为剧中Ali在怀孕期间

一直都好小心饮食同埋勤于运动

为嘅就系令到肚内的BB健康成长

但系突然间遇上紧急开刀

感觉九个月的努力完全白费左后

Ali都扁嘴大喊:

“唔好啦我咁努力做带氧运动,就係想顺产呀吗!”

因为系紧急开刀

所以当时Ali只能单独面对这个困境

系推入手术室时

Ali同老公黎诺懿哭到生离死别一样

我地睇住可能会觉得浮夸

但系做过爸妈嘅人一定都觉得身临其境

因为就得自己一个训系冰冷手术台上

虽然唔痛,但系当医生一层层劏开自己个肚,

又唔知BB情况时,真系非常无助...

种种生活上会经历过嘅嘢

都一一表现出嚟

真系永世难忘!

就知道呢部剧有几写实啦!

而剧中最令人大笑嘅系“港妈王国”妈妈谷

因为大家睇到时都即刻打开手机数下入左几个

而对于男观众嚟讲

呢个就相当于系一个“邪教”

直言:“好似邪教一样信徒遍布全港﹗”

当时黎諾懿见到老婆Ali入左“邪教”后的反应

真系一种百思莫得其解嘅感觉

其实妈妈谷正解系妈妈Group

大肚婆系社交网站上认识左“同病相怜”嘅妈妈后

按照各地、月份、性别等分好类

可以交流下自己生B同凑B嘅心得

咪就系我地宜家D妈妈微信群?

无论有咩优惠啊、发生咩突发事件

系群度都一清二楚啊!

虽然我地女人明白女人

但系系男同胞嘅眼里,我地就成为左

“一班师奶自暴自棄,讲是非吐苦水FF自HIGH!”

睇到呢度我自己都忍唔住大笑哈哈哈

因为就算女人成为婆娘中的婆娘

交流心得都系为左BB好咋!

李佳芯同黎诺懿系剧中的变现

可以话系入戏十足十!

就连Ali自己都话:

“除了没有经历阵痛,由冇到抱起BB,感受像做了一次真妈妈,本来我都好钟意BB,初初都好期待,仲有D幻想,但拍到中后期真系惊咗,哈哈!呢套剧BB大晒,所有嘢都系佢哋行先,六个BB轮流拍,唔扭计嘅时候就好得意~”

特别系有BB时的忐忑

到生BB时嘅紧张无助

再到生完BB后变成一个十足十“港妈”

一幕幕的情绪起伏都大令人赞赏

相信喜欢李佳芯的朋友都知道

Ali已经入左无线6年

但系佢曾经有段时间被称为“最强小三”!

因为系2014年阵时

佢系《名门暗战》入面第一次饰演第三者

其后再次系古装剧《倩女喜相逢》中做九尾狐

大家最熟悉的莫过于系《巨轮II》入面

被吴岱融演的鹫哥痛骂:

“又想我同你上床?你省D啦!”

Ali直到近年先被TVB力捧

佢都开始尝试多种角色

无论优雅大礼嘅事业女性

还是今次开朗直率嘅妈妈

都一致获得观众好评!

而黎诺懿爸爸呢个角色

可以话系根据宜家新手爸爸量身订造嘅角色

一开始唔信甘易有

到同老婆一起勇敢面对

再到识得孝顺妈妈,体谅妈妈嘅辛苦

最后仲惊老婆由时尚靓妈变成婆娘

一路落嚟嘅心路历程男观众都点晒头话掂啊!

一集集嘅剧情都令人觉得感动又刺激

真系好令人期待接落嚟嘅剧情发展

我地一齐等待下周一嘅到来啦!

微信扫一扫,与好朋友分享