乐宝宝精选网乐宝宝精选网

《3日2夜》攻陷宅男刘颖镟升做女神

原标题:《3日2夜》攻陷宅男 刘颖镟升做女神

如果大家有看TVB旅游节目《3日2夜》嘅土耳其篇,相信都会畀“纯纯兔”@劉穎鏇_Tiffany 吸引住,会想飞埋去同佢一齐感受冲土耳其浴嘅滋味,谂起都爽呀!

Tiffany系2016年港姐亚军,即系冯盈盈攞冠军嗰届,如果盈盈系贴地到喻为“地平线港姐”嘅话,Tiffany一定系畀到男人有种“初恋呀!”嘅百份百“纯纯女神”,当年佢屈居阿二,但就好多网民都话论样论身材索过冯盈盈,佢攞冠军仲啱数。

依家只系21岁嘅Tiffany青春无限放闪,系男人最完美嘅“初恋100%”对象,样子清纯,拥有42吋长腿,喺美国读书时已经系篮球队,“好波”真系唔在讲,加埋讲得一口流利英语,唔少巴打听到Tiffany讲ABC都冧滋滋,赞佢英文讲得份外好听喎!

Tiffany选完港姐后留港发展,男友喺美国继续读书,Long D关系抱住顺其自然,佢话点拣都系工作行先!

无他嘅,成为新一代巴打女神梗系要食住上啦,早排仲有份拍TVB台庆剧《兄弟》添!不过,Tiffany都好孝顺,决定网上修读三年嘅大学课程,一圆父母心愿完成学士学位!

微信扫一扫,与好朋友分享