乐宝宝精选网乐宝宝精选网

付出莫望报!TVB女主持做甜品悟出恋爱新态度

原标题:付出莫望报!TVB女主持做甜品悟出恋爱新态度

“女人40”的陈贝儿近年主持TVB《嫁到这世界边端》系列,见证一个又一个爱得轰烈且浪漫的爱情故事。两年前离婚后,“感情生活”一栏留白,爱情给家中“一双儿女”完全占有。主持节目令她更深切体会两性关系中“细水长流”的重要,这位等爱的女人直言倘若遇到合适对象,一样会爱得英勇!

来到《嫁3》,陈贝儿(Janis)由非洲出发、经亚洲再走到欧洲,花了3个多月去“窥探”别人的爱情故事。3男2女的拍摄团队甫飞抵尼日利亚,已感受到生命安全的重要。

为前夫付出唔少

她说:“听到搞出人命喎!真系我外景以嚟感受到最危险嘅一次!尼日利亚人妻仲要随时担心断水断电,亦忧虑自己同家人嘅安全,咁做只系为维护老公‘樽盐’(尊严),等佢事业喺家乡有更好嘅发展。呢个女人坚在连命都可以唔要,人生只得佢老公,喺其他人眼中佢嘅幸福,其实系佢对爱嘅坚持。”

Janis没有生于乱世,以往的爱情故事最浪漫的情节极其量是突然与外界“失联”,陪对方出走旅行。然而谈到上一段婚姻,她形容“都有为对方付出唔少”,或许生于香港,实在有太多事要兼顾,有时注意力分散爱得不足。

追求平淡啱就嫁

听着别人诉说自己的情史,她直言有所得着,对“爱情”亦有所改观:“为对方付出,就唔应该有期望,想办法令对方开心就好。我感恩以往嘅经历,令自己依家清楚明白想要嘅究竟系乜,平淡嘅关系虽然冇激情,但依家嚟讲好适合我。(如果呢个时候先遇到前夫,结果可能改写?)我又唔会咁谂,每件事发生都总系有佢嘅原因,好难谂返转头,不过相信依家只要遇啱,话唔定我都可以当烈女嫁去非洲呢!”

钻研厨艺 绑住另一半个胃

Janis的外表及性格,容易令人产生错觉,认定她是事业型,不过原来她小时候已喜欢躲在家中钻研厨技:“读书时好锺意上家政课,依家自己茹素,会研究啲素菜小炒、煲汤咁,其实我好有当贤妻良母嘅条件,会好照顾另一半嘅胃。”

最近考获法国专业甜品师执照的她,正计划抽空3星期远赴彼邦实习取经,她更将制作甜品的过程,融入比喻人生:“其实做甜品有既定嘅食材同制作过程,不过导师一开始就话我知,食谱系死、人系生嘅,人嘅情绪同心情绝对会影响制成品嘅效果,即系等于做人一样,跟足既有程式唔代表一定快乐,相信每个人都有啱佢嘅路,问题在于识唔识得把握。”

单身唔闷 有“仔女”万事足

虽然还未觅得另一半,Janis生活却不缺“爱情”,她的“一对仔女”足够填满心灵:“佢哋系一对猫,猫女系家姐,猫仔系后嚟我再养嘅。啱啱细佬返嚟时,家姐好似担心我偏心,表现好似患上抑鬱咁,不过经过磨合,佢哋依家感情几好,家姐好似豁然开朗咁,佢天生性格比较温驯,我唔想浪费佢呢方面嘅天赋,又畀佢考到个动物医生牌喎,嚟紧等我冇咁忙,就会带佢出去做友谊小姐,探吓老人家同小朋友。”

另类发泄

Janis梦想能于法国开设甜品Cafe,不过暂时时间上未能配合,她惟有留港搞搞新意思:“我喺香港有素食餐厅,都做咗几年,依家研发紧一啲健康素食甜品,希望可以摆喺餐厅内试卖!其实今次我拍《嫁3》时走访咗一位法国人妻,佢本身就系开甜品Cafe,传授咗法式蛋糕仔嘅传统古老秘方畀我。我一埋首整甜品,就唔会谂多馀嘢,算系另类嘅发泄。”

对于计划明年抛开一切到法国实习,Janis自言相当期待,当记者打趣祝福她到时事业、爱情两得意,顺道于法国展开浪漫情缘,她爽快说:“希望啦!爱无分国籍呀!”

 

微信扫一扫,与好朋友分享