乐宝宝精选网乐宝宝精选网

【冻龄有道】网上票选TVB美魔女十强真是实至名归

原标题:【冻龄有道】网上票选TVB美魔女 十强真是实至名归

【冻龄有道】网上票选无线美魔女 呢十强真系实至名归

而家嘅女士们真系好勤力去保持自己美态,唔少TVB女星由以前嘅少女变为而家嘅美魔女。最近有网民搞咗个无线花旦美魔女选举,我哋一齐睇下现时嘅排名啦!

第十位:康华(46岁)

入行以嚟发展一般嘅康华,近年凭《刀下留人》万贞儿被网友封为“最正奸妃”及喺《宫心计2深宫计》饰演心地善良嘅南宫司设,成功抢镜,深受网民爱戴。观众除咗钟意康华精湛嘅演技之外,更加留意到佢虽然已经年过40,不过依然身型fit爆、散发迷人韵味,真系羡慕死人啦!

第九位:宣萱(48岁)

90年代已经出道嘅宣萱,拍过唔少经典剧集,例如《难兄难弟》、《寻秦记》、《戆夫成龙》、《洗冤录》、上年嘅《不懂撒娇的女人》及《使徒行者2》等等。48岁嘅宣萱真系保养得宜,咁多年都好似唔识变老咁。

第八位:周海媚(51岁)

周海媚(海味)由出道至今有两大经典角色,《倚天屠龙记》被封为“最美周芷若”将主角演绎得淋漓尽致,深入民心及《今生无悔》入面饰演嘅沈文薏。近期转战内地嘅佢拍摄新版《倚》剧,今次竟然系饰演心狠手辣“灭绝师太”,网民大赞佢仍然散发仙气,个样可以话多年不变,再获封为“史上最美的灭绝师太”。

第七位:佘诗曼(43岁)

97年港姐季军入行,由一脸稚气嘅《十月初五的月光》祝君好、《西关大少》何双喜,到近年嘅《使徒行者》丁小嘉及大热人气《延禧攻略》娴妃。保养有方嘅佘诗曼就算喺《延禧攻略》拍埋其他年轻演员旁边都唔系差好远,身材同外貌都睇唔不出年纪原来已经踏入40大关!佘诗曼由以前嘅少女味到现时越拍越有权势越女强人,再慢慢变成今时今日嘅“三料视后”!

第六位:吴婉芳(51岁)

吴婉芳系1986年香港小姐亚军、最上镜小姐及才华小姐,之后签约无线开始拍剧,但婚后淡出娱乐圈。吴婉芳成为豪门少奶奶,甚少出席公开社交活动,每次出镜佢嘅冻龄美貌都令人感到赞叹。、

第五位:万绮雯(48岁)

拥有42吋长腿嘅万绮雯(蚊蚊),由出道到而家都有一副Baby face。由亚视《我和僵尸有个约会》饰演嘅马小玲,到无线《老表,你好野》饰演嘅易雪飞,可以话“蚊蚊”嘅样依然少女,美魔女呢个称呼真系当之无愧呀!

第四位:黎姿(47岁)

黎姿(现改名为黎珈而)2008年与富商马廷强结婚后亦都淡出演艺圈、投身商界。现时事业有成嘅佢,可以话似冻龄嘅少女一样,好似食咗防腐剂咁,完全睇唔出原来已经47岁!

第三位:姚嘉妮(40岁)

姚嘉妮身为98年亚姐季军,有身材个样又有气质。近年更因为要照顾小朋友而减少工作,但系做事仍然专业。而近年TVB到见到佢大多数饰演人妻角色,索爆之余更添一份女人味。今年更凭《BB来了》饰演过气MK妹陪月员许朗,打扮MK经常穿热裤大骚长腿,冻龄外表加上窈窕身型,真系睇唔出已经40岁。

第二位:杨卓娜(41岁)

2001年参加香港小姐后加入无线嘅杨卓娜系杨怡家姐,以往演艺路可以话名气不大而相信大家最有深刻印象嘅应该系《爱‧回家》入面“霞姐”呢个名,霞姐角色相当抢眼,亦开始令网民慢慢留意到女人味渐渐浓厚嘅卓娜。事业慢慢渐有起色,好似最近喺《跳跃生命线》中饰演丧夫嘅游子岚,成功演活坚强新抱,获网民大赞。

第一位:陈炜(44岁)

炜哥可以话系一个性感性浓嘅美魔女,从亚视过档到无线,周不时都会饰演较性感或女强人嘅角色。近年仲活跃一线,今年嘅《果栏中的江湖大嫂》李梦露及《宫心计2深宫计》太平公主都表现亮眼,唔少网民都认为炜哥有机会成为今年视后。除咗系演得嘅美魔女艺人,2016年仲开始拍摄饮食节目,可以话系“入得厨房 出得厅堂”。即使已经44岁都保养得好好,好似唔识变老一样。

来源:网络,版权归原作者所有,如有侵权请联系删除。

END

微信扫一扫,与好朋友分享