乐宝宝精选网乐宝宝精选网

粗口港姐冯盈盈《果栏》爆红!其实TVB仲有呢八大90后索爆女星!

原标题:粗口港姐冯盈盈《果栏》爆红!其实TVB仲有呢八大90后索爆女星!

TVB近年一直都处于闹“花旦荒”的处境中,各位观众网民晚晚打开部电视睇剧,睇嚟睇去都係得嗰几个女艺人,真係我哋唔嫌闷,TVB自己都应该厌啦!不过最近TVB似乎就有唔少“90后”新生代女星涌现,陆陆续续都等紧上位发围!依家就同大家一齐睇睇有边八位TVB“90后”女星准备好突围而出,在未来星途中发光发亮啦~

冯盈盈

现时23岁的冯盈盈于1994年6月10日出生,係2016年夺得港姐冠军之后,凭借索爆的外形和够晒贴地气的形象而深入民心,令其曝光率一直都相当之高。之后盈盈同麦明诗及陆浩明一起主持《后生仔倾吓偈》,更令佢因为出位的言论成为TVB新晋“金句王后”!

而冯盈盈今年亦都开始参演剧集,在《果栏中的江湖大嫂》和《白色强人》都有颇多戏份,而就係最近出紧街的热播剧《果栏》中,观众们大赞佢演“小狼女”演得入型入格,够晒亲民贴地气,年纪轻轻咁快演技就受到网民观众肯定,相信佢好快可以进入TVB一线花旦的行列。

虽然盈盈细细粒、娇滴滴,不过平时都毫不吝啬晒身材,谷到尽~

江嘉敏

江嘉敏相信大家如果有追开TVB剧集的话,一定都唔会陌生嘅!1994年11月4日出身的江嘉敏,虽然现时只得23岁,不过她从17岁起已疯狂拍私影同接拍微电影,近年已经喺多套TVB剧担当重要角色。去年拜《亲亲我好妈》纯情学生妹形象所赐,江嘉敏成为新一代气质女神,火速在网络走红!

江嘉敏在上年三套剧《亲亲我好妈》、《不懂撒娇的女人》、《夸世代》中都有令观众有深刻印象,今年佢同样有三套剧会出街,而且角色位置都相当接近女主角,就咁睇来,未来绝对是TVB力捧的花旦。

近年忙于拍剧的江嘉敏,去年成为2017年Google人气搜寻女艺人,其实佢曾跟《新假期》出过不少Trip,除咗去文青feel嘅日本和台湾,仲去过马尔代夫,而且仲係社交网上大晒身材,狂派福利!

余思霆

同样係1994年出生的余思霆,今年都只係得23岁,係2017年《国际中华小姐竞选》夺得冠军后,立即加入咗TVB做埋“亲生女”。余思霆有着健康肤色及丰满身材,加上阳光灿烂的笑容,轻易令人留下深刻印象!

余思霆虽然连艺员训练班都未读过,但係就已经可以“跳级”在剧集《好日子》中有演出机会,而且因为佢广东话“唔咸唔淡”咁,TVB仲专登安排咗一个係台湾读书的角色俾思霆,盲嘅都睇得出TVB锡佢锡到出晒面啦。

苏韵姿

苏韵姿今年都係得24岁,自从参选完《2016年度香港小姐竞选》并且夺得咗第四名之后,就加入咗TVB,并且比起“港姐”前三甲的佳丽,韵姿好快就有咗出演剧集的机会,顺利接拍第一套剧集《爱·回家之开心速递》。苏韵姿在《爱》中凭「红衫鱼」一角成功入屋,同阮政峰搭档组成情侣档,颇受观众网民欢迎。

虽然苏韵姿暂时未有新剧推出,不过以佢依家係处境剧嘅人气同受欢迎程度来睇,绝对系不容忽视的新晋小花之一,相信只要佢肯俾多D心机,肯挨肯努力,前途一片光明啊!

伍乐怡

伍乐怡(Kelly) 今年25岁,笑容自然甜美,甚至有网民觉得佢同当年的“小龙女”李若彤有几分相似,仙气程度可想而知!但係好可惜的是去年港姐竞选,佢竟然三甲不入,好多人都邓佢唔抵!

伍乐怡落选港姐后加入TVB成为亲生女,早前就有份主持《3日2夜》,之后仲会参演《再创世纪》和《坚离地爱坚离地》等剧集,算系比其他同届港姐更有机会跑出!

刘颖镟

刘颖镟係1997年出生,今年只有20岁!而且喺2016年港姐竞选中勇夺「亚军」、「最上镜小姐」及「现场最受欢迎佳丽奖」三个奖项,可谓係16年港姐的大赢家,拥有青春靓丽的甜美外貌,再加上模特儿一样的魔鬼身材,外在条件根本无得输啊!

虽然加入咗TVB后,虽然暂时都未有代表作,不过好彩都有机会出任《学是学非》主持,吸收经验,作为“是非精”应该都会吸收到一定人气!

另外,而係今年TVB的重头剧之一《兄弟》入面,刘颖镟会以女配角身份登场,既然係重头剧TVB自然不会少下功夫和本钱,相信出街之后口碑和效果应该都不会太差,到时候无论其知名度或人气都会急升,有望获TVB力捧。

邓佩仪

于1992年11月10日出生的邓佩仪,虽然今年已经25岁,但原来佢係2013年中华小姐冠军,之后就同TVN签约成为“亲生女”,而且备受大台所重用,一直都有稳定的剧集角色产出,被视为被TVB力捧的新晋小花之一。

邓佩仪的代表作包括咗《点金胜手》、《幕后玩家》及《不懂撒娇的女人》,而且每部剧有唔错的表现,可惜之后因拍剧扭伤,令到佢失去参与台庆重头剧《夸世代》的机会,同时令佢事业发展停滞了一阵子。

不过佢之前的剧集都有一定的人气和观众缘,相信之后只要继续努力的话,上位突围都係迟早的事情!

邝洁楹

现时25岁、于1992年7月2号出生的邝洁楹,之前就係美国读书,读完之后回港加入咗模特儿公司,然后因为机缘巧合就加入咗TVB ,成为咗娱乐新闻台主播,之后被TVB看中派去拍摄《3日2夜》,播出之后不单受到网民关注及追捧,更加係升呢成为“宅男女神”!

之后邝洁楹更加被誉为「仙气女神」,依家佢仲时不时会客串《爱·回家之开心速递》,增加曝光量,而且已正式加入咗《学是学非》成为新一代“是非精”,既然做得“是非精”,按照前面几位师姐的发展,应该会有大把前途!

一起来睇睇邝洁楹之前係《3日2夜》入面的温泉照,係米索到冇得顶呢?

睇完咁多青春靓丽的新晋小花,各位最钟意嘅係边个呢?又觉得边一个会成为未来TVB的当家花旦呢?

微信扫一扫,与好朋友分享